ئەڤ جارە بۆ کوردان ژ ھەموو جاران زحمەترە

مامۆستایەکێ زانکۆیێ ب دوور دبینیت ھەر دو ئالیێن شیعی و کورد بگەھنە رێککەفتنەکێ ل سەر بودجا ئیراقێ، ژبەرکو ھەلبژارتن ل پێشیا ئیراقێ ھەنە.
نسرەت بەرواری، مامۆستایێ زانکۆیێ و شارەزا د بیاڤێ ئابووری دا بۆ خانی نیوز دیارکر، پەسندکرنا بودجا ئیراقێ و رێککەفتن ل گەل ھەرێما کوردستانێ، ئەڤ جارە دێ ژ ھەموو جارێن دی دێ زحمەتتر بیت، ژبەرکو ئیراق بەر ب ھەلبژارتنان ڤە دچیت و لایەنێن شیعی ب دەلیڤە دبینن دژاتیا ھەرێما کوردستانێ بکەن، ل گۆرەی ھزرا وان ئەو چەند دژاتیا ھەرێما کوردستانێ بکەن دێ سەنگ و دەنگێن خوە زێدەتر لێ دکەن و بۆ جادا شیعی دیار دکەن کو ل گەل مافێ وانە و سنۆران بۆ ھەرێما کوردستانێ دەستنیشان دکەن.
نسرەت بەرواری گۆت ژی: پشتی نزمبوونا بھایێ پەترۆلێ کێشە ل گەل ئیراقێ دروست بوو و چەند بھایێ پەترۆلێ بلند بیت ھەرێم و بەغدا دشێن بگەھنە رێکەفتنەکێ و تایبەت ھەکە بگەھیتە ٦٠ دۆلاران، ھەر دو کوتلێن عەبادی و مالکی زێدەتر دژی ھەرێمێ نە بۆ زێدەکرنا دەنگان، بەرامبەر کازمی حەز دکەت کێشە چارەسەربن و ئەوی ژی دڤێت د دەمێ وی دا کێشێن ھەرێمێ و بەغدا چارەبن و ئەڤە ژی پێدڤی ب پشتەڤانیا ئەمریکا و ئیرانێ یە.
زێدەتر گۆت: ھەکە مایتتێکرنا ئەمریکا و ئیرانێ ل سەر بودجێ نەھێتەکرن، نابینیت بودجە بھێتە پەسەندکرن و دێ لایەنێن شیعی زێدەتر ئالۆزیا بۆ بەغدا و ھەرێمێ دروست کەن.

خانی نیوز، سالار محەمەد دۆسکی: