لیژنەیەك بۆ قەرەبووکرنا قوربانیێن دەستێ داعشێ هاتە پێکئینان

لژنەیەك بۆ قەرەبووکرنا قوربانیێن دەستێ داعشێ هاتە پێکئینان، رێڤەبەڕێ لژنا قوربانێین دەستێ داعشێ ڕاگەهاند: ئەڤه‌ لژنەیا سێ یێ یە هاتییە پێکئینان بۆ قەرەبووکرنا قوربانیێن دەستێ داعشێ، نها ئەم کار ل سەر وەرگرتنا پێزانینان دکەین.

ساهیر تاهیر، بۆ خانی نیوز گۆت: ئەڤ لژنەیە بۆ خەلکێ شنگالێ پێکهاتییە ئەڤێن بوویینە قوربانیێن دەستێ داعشێ بەلێ نها ئەم ل ناحیا فەیدیێ ل پارێزگەها دهۆکێ کارێ خوه‌ دکەین و کار بۆ وەرگرتنا فایلێن شەهید و بێ شەروشوون و رزگاربووی و برینداران و ئەڤێن مالێن وان خراپ بووین و مال و مولکێ وان نەماین، بە هەموو جۆرەکی ڤە د دەمێ هاتنا داعشێ دا.

گۆتژی: ل نێزیک ئەم دێ چینە شنگالێ ڤی کاری کەین و ژبۆ وەرگرتنا تەڤاهییا زانیارییان ل سەر قەرەبوویێن خەلکێ شنگالێ دێ تایەکێ لژنا مە ل ناحیا فایدێ هەبیت.

د دەمێ هاتنا داعشێ دا، زێدەتری 6 هەزار کەسان هاتنە ڕەڤاندن و 350 هەزار کەس هاتنە ئاوارەکرن، و 85٪ شنگال هاتە وێرانكرن.

خانی نیوز، کاروان باعەدری