فەرماندەیێ فەرماندەیا هەڵگورد تایبەت ب خانی نیوز راگەهاند، تی ئێن تییەک ژلایێ پەکەکێڤە هاتبوو دانان و دو پێشمەرگەژی ژ ئەگەرێ وێ مینێ بوونە قۆربانی.
لیوا بەھرام عەریف یاسین تایبەت بۆ خانی نیوز گۆت، ئەڤرۆ ل سەر رێکا سەرەکی یا دەڤەرا سیدەکان ، پەکەکێ تی ئێن تیەک دانابوو و ل دەما دەربازبوونا دوو پێشمەرگەیێن وان، ب ترومبێلێ ڤە پەقی، ب وێ ئەگەرێ ژی پێشمەرگەیەکێ وان ژیانا خوە ژ دەست دا و یێ دی ژی برینداربوو.
ناڤبری گۆتژی، ئەو پێشمەرگەیێ گیانێ خوە ژ دەستدای ناڤێ وی تارق قادرە و تەمەنێ وی 45 سالن، پێشمەرگەیێ دیژی ناڤێ وی موزەفەر حەسەنە و تەمەنێ وی 46 سالن و ب گرانی بریندار بوویە .
لیوا بەھرامی گۆتژی، ئەو ھەردوو پێشمەرگە خەلکێ دەڤەرا سیدەکانن، و ئەو رێکا ئەو تێدا دەرباز بووین رێکەکا سەرەکی یە و رۆژانە خەلک ھاتنوچوونێ تێدا دکەن و ل نێزیک وان دەڤەرانە یێن ل بن کۆنترۆلا پەکەکێ و گۆتژی ئەو تی ئێن تی یا نوویە و دەمەکێ کێمە ژلایێ پەکەکێڤە هاتییە دانان.
خانی نیوز ، سەعد عاسف
