شاندهکێ سەربازییا ههڤپەیمانان ب مەبەستا ھەڵسەنگاندنا رهوشا ئەمنی سەرهدانا سەنگەرێن پێشیێ یێن پێشمەرگەی کر، و ژلایێ سیروان بارزانی ڤه هاتنه پێشوازیكرن .
ئەڤڕۆ شەمبى شاندهکێ سەربازیێ ھهڤپەیمانان کو پێکھاتبوون ژ شیرهتكارێن ھەر ئێک ژ وڵاتانێن ئەمریکا، بەریتانیا، فەرەنسا، ئەڵمانیا، كەنەدا، ھۆڵەندا و فینلەدا سەردانی بارەگایێ میحوەری (6)ـێ سەنگەرێن پێشیێ یێن پێشمەرگەیان کر.
سیروان بارزانی، سەرپەرشتیارییا میحوەری مەخموور – گوێڕی یاهێزێن پێشمەرگەیى د پەڕێ فەیسبووکێ خۆیدا دهربارەی سەردانا وان راگەهاند: شاند ب سەرپەرشتییا کۆلۆنێل لایێنچ، بەرپرسێ ھێزێن تایبەتێن ئەمریکا ل ئیراقێ و کۆلۆنێل ویلیامس، رێڤهبهرێ سەنتەرێ ھهڤئاهەنگا ھهڤپەیمانان ل کوردستانێ و کۆلۆنێل کلین، فەرماندەیێ دەستەیا بلندا سەنتەرێ شیرهتكارییا ھهڤپەیمانان ل کوردستان بوویه.
دهربارەی ئارمانجا سەرهدانێ سیروان بارزانی دبێژیت: سەرهدان ب مەبەستا ھەڵسەنگاندنا رهوشا ئەمنی و رێکار و پێنگاڤێن پێدڤى بۆ بهرسڤدانا ھەر بزاڤهكێ و کریارهكا تیرۆریستییا داعشێ بوویه.
ژلایهكێڤه دیڤه ههر ئهڤرۆ سیروان بارزانى فەرماندەیێ میحوەرێ 6 (گوێڕ – مەخموور)ل دۆر هێرشێن ههڤپیهمانان بۆ سهر داعشێ ئاشكراكربوو، ھێزێن ھهڤپەیمانان ب ھهڤكارییا ھێزێن پێشمەرگەى د ماوهیێ 12 دهمژمێران، 12 بنگەهـ و حەشارگهههكا داعشێ ل چیایێ قەرەچووغ ژناڤبر.
سیروان بارزانی، فەرماندەی میحوەری 6 (گوێڕ – مەخموور) راگەهاند: د 12 دهمژمێرێن بوری دا، فڕۆكهیێن ههڤپەیمانان ب هەماهەنگى دگەڵ پێشمەرگهى، 11 جار ب 21 مووشەک، 12 بنگههـ و حەشارگهههكا تيرۆرستێن داعش ل چیایێ قەرەچووغ ژناڤبرن.
چەند رۆژهكە ئۆپهراسیۆنا هێزێن ههڤپهیمان ب ههڤكارییا هێزێن پێشمهرگهى بۆ سەر بنگەهـ و حەشارگەهێن داعشێ ل چیایێ قەرەچووغێ دەستیپێكرییه.
Like this:
Like Loading...
