30 سال ب سه‌ر سه‌رهلدانا 14ى ئادارا سالا 1991 یا باژێرێ دهۆکێ و دەوروبەرێن وێ ل دژی دام ودەزگه‌هێن رژێما بەعس ده‌رباز بوون و هەتا ئێڤاریا وێ رۆژێ پتریا ده‌ڤه‌رێن ل ژێر ده‌ستهه‌لاتا به‌عس هاتنه پاقژكرن.
ل سپێده‌هیا 14ى ئادارا سالا 1991 خه‌لكێ دھۆكێ ل تاخێن بەروشکێ ل دژى حکومەتا بەعس سه‌ر‌هلدان و هێرش كرنه سه‌ر دائیرەیا ئەمنێ و ئیستخبارات و پۆلیس و لیوا و فیرقا حزبـا بەعسیان هه‌تا نیڤرۆ هه‌مى ده‌سته‌سه‌ركرن.
فه‌رمانگه‌ها ئەمنێ شەرێ مان و نەمانێ لێ دهاته كرن، پتریا فه‌رمانبه‌رێن دناڤ ڤێ فه‌رمانگه‌هێ دا هاتنه كوشتن، دووڤ دا لیوایان خۆ راده‌ست كرن و ده‌ڤه‌رێن: زاویتە، مانگێشك، باگێرا، سەرسنگ، ئێنیشك، بامەرنێ، دێرەلوك، ئامێدی، سیریێ، شێلادزێ، باتیفا، بێگوڤا و ھتد.. هاتنه ئازاد کرن.
رۆژا پشتى وێ ناحیا کانی ماسێ و بەروای بالا و رێکان ئازاد بوون، بنگه‌هێن سەربازیی یێن سەرێن چیایێ گارە و مەتین و چیایێ شیرین و چیایێ فاتێ و چیایێ بارزان و چیایێ بامەرنێ خۆ راده‌ست كرن.
