ئاكرێ.. ئاگرێ نەورۆزێ بێی پشكدارییا خه‌لكى دێ هێتە هەلکرن

نەورۆزا ئاکرێ تایبەتمەندییا خوه‌ هەیە ب پایتەختێ نەورۆزێ هاتییە نیاسین و ئەڤ سالە ژی ژبەر رێنمایێن تەندروستی یێن حکومەتا هەرێما کوردسانێ چ ئاهەنگ ناهێنە گێران ب تایبەت ل سەرێ گرێ ئاکرێ ب تنێ دێ خەتێرێن ئاگری بەنە سەرێ کەلا ئاکرێ.
کاوە زوهێر رێڤەبەرێ ره‌وشنبیری و هۆنەری ل ئاکرێ بۆ خانی نیوز گۆت: رێڤەبەرییا ره‌وشنبیری و هۆنەری ب هەڤکاری دگەل کۆمپانییا MRF، سەرێ گری و کەلا ئاکرێ و کەلە کەڤنێ و سەرێ تیشی هاتینە خەملاندن و گروپێن خوبەخش دێ نزیکی 400 خەتیرێن ئاگری  ب رێنمایێن ساخله‌میێ دێ بەنە سەرێ کەلا ئاکرێ و کەلە کەڤنێ و سەرێ تیشی و دگەل هەلکرنا یاریێن ئاگرین .

کاوە زوهێر زێدەتر گۆت ژی: هه‌ر سال خەلکەکێ زۆر قەستا سه‌رێ گرى دکر بۆ دیتنا نەورۆزا ئاکرێ، لێ ئەڤ سالە ئەڤ جهە دێ هێتە گرتن و چ ئاهەنگ لێ ناهێنە گێران.
ئاکرێ هاتییە نیاسین ب پایتەختێ نەورۆزێ هەرسال خەلکەکێ زۆر ل دەرڤە و ناڤخۆ قەستا باژێرێ ئاکرێ دکەن بۆ دیتنا نەورۆزا ئاکرێ، لێ د ئەڤ سالە دا ژ بەر رێنمایێن ساخله‌میێ یێن حکومەتا هەرێما کوردستانێ چ ئاهەنگ ل ئاکرێ ناهێنە کرن ب تنێ ل سەرێ کەلا ئاکرێ ئاگر دهێتە هەلکرن.

خانی نیوز، ئه‌حمه‌د شووشی