سەرۆك بارزانی ژ بۆ وەغەرا دووماهیێ یا دکتۆر کەمال مەزهەری پەیامەکا سەرەخۆشییێ ئاراستەی کەس و کارێن وی کر.
سەرۆك بارزانی د پەیاما خوە دا گۆتییە، ب خەمەکا گرانڤە وی نووچەیێ وەغەرکرنا زانا و مێژوونڤیسێ گەلێ مە دکتۆر کەمال مەزهەری بهیست، دکتۆر کەمال مەزهەر د تەمەنێ پر بەرهەمێ خوەدا خزمەتەکا زۆر یا نڤیسینا دیرۆکا گەلێ خوە کریە و کتێب و بەرهەمێن وی یێن زانستی گەنجینەیەکێ گرنگ و بەهادارن.
سەرۆك بارزانی گۆتییە ژی، بەرهەمێن وی بووینە ئەگەرێ زەنگینکرنا بزاڤا ڤەکۆلینێ و زانست و پەرتوخان اکوردی، ژ دەستدانا کەسەکێ زانا وەکو دکتۆر کەمال مەزهەری بۆ گەلێ مە خسارەتەکا مەزنە.
سەرۆك بارزانی د دووماهییا پەیاما خوەدا سەرخۆشیێ ل کەس و کاڕێن وەغەرکری و هەڤال و دۆستێن وی دکەت و ژ خودێ دخازیت خودێ ژێرازی ب بەهشتا خوە شاد بکەت و سەبر و ئارامیێ بدەتە هەموو لایەکی.
