ئەڤرۆ ل کۆچکا پارێزگارییا دهۆکێ کۆمبوونەک هاتەکرن ژبۆی ڕاگەهاندنا پلانا ئێمناهیێ یا ڕۆژانێن نەورزۆێ.
پشتی کۆمبوونا لژنا ئێمناهییێ ل کۆچکا پارێزگارییێ ب دووماهی هاتی د پرێسکۆنفرانسەکێ دا ئەنجامێن ڤێ کومبوونێ هاتنە ڕاگەهاندن
ماجد سه‌ید سالح، جێگرێ پارێزگارێ دهۆکێ راگەهاند: چ ئاهەنگێن فەرمی ژبۆ نەورۆزێ ل پارێزگەها دهۆکێ ناهێنە کرن و قەدەغەیا هاتنوچوونێ ژی ناهێتە ڕاگەهاندن، و گۆتژی دێ چاڤدێرییەکا باش هێتەکرن ل ڕۆژا هەلکرنا ئاگرێ نەورۆزێ کو چ کەسەک تەقە و یاریێن زەرەرمەند بکارنەئینیت .
ماجد سه‌ید سالح گۆتژی، تیمێن وان یێن ئێمناهییێ و خوه‌پاراستنێ ڕۆژانە سەرەدانا جهێن گشتی دکەن وەکی مۆل و خارنگەهـ و جهێن کو خەلک لێ کۆمڤەدبیت و ڕۆژانە ل هەموو قەزایان راپۆرتێن تایبەت ب وێ چەندێ بۆ دهێن.
ل داویێ گۆتژی، ئەو داخاز ژ خەلکی دکەن کو پێگیریێ ب رێنمایان بکەن و ژینگەهێ ب پارێزن و گەلەک کۆمڤەنەبن.
