رێڤه‌به‌رێ گشتی یێ باژێرڤانییان ل پارێزگه‌ها دهۆكێ راگه‌هاند؛ دیزاینكرنا ئۆڤه‌رپاسا ل سێمێلێ ب داوی هاتییه و ل ده‌ستپێكا مه‌ها گولانێ دێ كه‌ڤیته د وارێ بجهئینانێ دا.
دیار به‌حری، رێڤه‌به‌رێ گشتی یێ باژێرڤانییان ل پارێزگه‌ها دهۆكێ بۆ خانی نیوز گۆت: نزیك دێ ده‌ست ب چێكرنا ئۆڤه‌رپاسه‌كێ ل سێمێلێ كه‌ن ل جهێ كو ب فلكا مرنێ دهات نیاسین، ژ ئالیێ كۆمپانیێن ناڤخۆ هاتییه دیزاینكرن و ده‌ستپێكا مه‌ها گولانێ دێ ژ ئالیێ رێڤه‌به‌رییا رێك و پران كه‌ڤیته د وارێ بجهئینانێ دا.
دیار به‌حری گۆت ژی: كوژمێ گشتی یێ پرۆژه‌ی 4 ملیار و 200 دینارن و هه‌روه‌سا ده‌مێ بۆ پرۆژه‌ی هاتییه ته‌رخانكرن 500 رۆژن.
خویا ژی كر، ئه‌ڤ ئۆڤه‌رپاس دێ خزمه‌تا هاتن و چوونا وه‌لاتییان و كه‌رتێ بازرگانیێ ژی كه‌ت.
