لژنا بلندا ئێمناهیێ ل دهۆكێ رێنمایێن نه‌ورۆزێ راگه‌هاندن

لژنا بلندا ئێمناهیێ ل پارێزگه‌ها دهۆكێ رێنمایێن سێ رۆژێن نه‌ورۆزێ راگه‌هاندن كو ئه‌ڤێن ل خوارێنه:‌

1- چ مه‌راسیمێن فه‌رمى و خرڤه‌ بوون بۆ جه‌ژنا نه‌ورۆزێ نینن و هه‌لكرنا ئاگرى ب فه‌رمى ل دهۆكێ ناهێته‌ كرن.

2- رێك ل هه‌مبه‌ر جه‌ماوه‌رى ناهێته‌ گرتن كو ڤێ هه‌لكه‌فتا نه‌ته‌وه‌یی ساخ بكه‌ن ئه‌و ژى ل دووڤ رێنمایان.

3-نابیت كه‌ره‌ستێن پلاستیكى و تایره‌ ب هێنه‌ سۆتن و دڤێت ژینگه‌هـ و دارستان بهێنه‌ پاراستن.

4-ته‌قه‌كرن و دار بڕین قه‌ده‌غه‌یه‌ و سه‌رپێچیكار دێ هێنه‌ سزادان و پێدڤییه‌ هه‌موو وه‌لاتى پێگیرى ب رێنمایێن خوه‌ پارێزیێ ژ ڤایرۆسێ كۆرۆنایێ بكه‌ن.

5-هیڤیدارین خرڤه‌بوونێن، ب كۆم یێن خێزانی په‌یدا نه‌بن داكو د پاراستى بن ژ نه‌خۆشییا كۆرۆنایێ.

6-لژنه‌یێن په‌یوه‌ندیدار و دام و ده‌زگه‌هێن حكومه‌تێ به‌رده‌وام دێ چاڤدێرییا ره‌وشا هاتن و چوونێ و ئێمناهیێ و رێنمایێن خوه‌ پارێزیێ ژ ڤایرۆسی كه‌ن.