په‌یڤدارێ ساخله‌مییا ئاكرێ بۆ خانی نیوز راگه‌هاند؛ 30 روودانێن جودا د ڕۆژا هەلکرنا ئاگری و رۆژا ئێکێ یا نه‌ورۆزێ دا رووداینه و تنێ دو ژ وان برینێن گران هه‌بوون.
سەباح زوهێر، پەیڤدارێ ساخلەمییا ئاکرێ ل گۆر ئامارێن روودانێن جه‌ژنا نه‌ورۆزێ تایبەت بۆ خانی نیوز راگه‌هاند؛ ل رۆژا هه‌لكرنا ئاگرێ نه‌ورۆزێ 14 روودانێن جودا روودان كو تنێ برینێن دو ژ وان د گرانبوون، ئێك ژ وان د كه‌لها ئاكرێ دا كه‌فتییه و ره‌وانه‌ی نه‌خۆشخانا دهۆكێ كرینه، هه‌روه‌سا ئاگرێ تایه‌ره‌كی سه‌روچاڤێن گه‌نجه‌كی سۆتینه و پێدڤی ب نشته‌رگه‌رییا جوانكاریێ هه‌یه.
هه‌روه‌سا ل رۆژا ئێکێ یا جەژنا نەورۆزێ ل ئاکرێ 16 روودانێن جودا هەبوون و ب خۆشحالیڤە کو حالەتێن برینێن گران نەبووینە و ئەو روودان ژێ کەفتن، شکەستن، سووتن و هندەکێن دی بووینە.
دیار ژی كر، ئامارێن ئەڤ سالە بەرامبەری سالێن دەربازبووی بەر ب کێمبوونێ چووینە ، و گۆت ژی: تیمێن وان یێن ساخلەمیێ ب بەردەوامی د خزمەتا وه‌لاتییان دانه ژ بۆ هەر حالەتەکێ نەچاڤەرێ کری.
