ده‌قێ په‌یاما ده‌سته‌یا سه‌ربه‌خۆ یا مافێن مرۆڤی ل دۆر هێرشا پیر لوقمان یێ زه‌ره‌ده‌شتی كو سفكاتی ب سه‌لاحه‌ددین ئه‌بوبی، سه‌ركرده‌یه‌كێ موسلمانان كرینه:
ب مخابنی ڤه به‌رییا چه‌ند رۆژان كه‌سه‌ك ب ناڤێ پیر لوقمان، كو خوه ب كه‌ساتییه‌كێ ئاینی ل قه‌له‌م دده‌ت، د گرته‌ڤیدیۆیه‌كا بێ بنه‌مایێن پێكڤه‌ژیانێ و ل به‌رچاڤگرتنا هه‌ست و سۆزێن موسلمانان، سفكاتی ب سه‌لاحه‌ددین ئه‌یوبی، سه‌ركرده‌یێ كوردێن موسلمان دكه‌ت.
ئه‌و وه‌ك ده‌سته‌یا مافێن مرۆڤی ئیدانه‌یا ڤان جۆره هێرشان دكه‌ن كو د بنه ئه‌گه‌رێ تێكدانا پێكڤه‌ژیانێ دناڤبه‌را ئاینان دا و ژ ئالیێ خوه ڤه پشته‌ڤانییا هه‌موو شێواز و رێكاران دكه‌ین كو دبنه ئه‌گه‌رێ خورتكرنا پێكڤه‌ژیان و ئێكدوقه‌بولكرنێ، وه‌ك ده‌سته‌یا مافێن مرۆڤی بزاڤێن وان بۆ وێ یه‌كێ بووینه كو درێژیێ ب دیرۆكا جوان یا كوردستانێ بده‌ن هه‌ر ژ ئێكدو قه‌بولكرن و پێكڤه‌ژیانا ئاین و پێكهاته‌یان.
ده‌سته‌یا مافێن مرۆڤی د په‌یاما خوه دا خویا كرییه، هه‌ر ل ڤێده‌رێ هه‌لوه‌ستێ وه‌زیرێ ئه‌وقافێ و كاروبارێن ئاینی و نوونه‌را ئاینێ زه‌ره‌ده‌شتییان بلند دنرخینین كو د سه‌ر هندێ دا ئیدانه‌یا وان ره‌فتاران كرینه، د هه‌مان ده‌مدا داخواز ژ سه‌رۆكاتییا دۆزگه‌رێ گشتی كرینه، رێكارێن قانوونی به‌رانبه‌ر وی كه‌سی بگرنه به‌ر.
ده‌سته‌یا مافێن مرۆڤی ل داویا په‌یاما خوه ژی خویاكرییه، ل ڤێده‌رێ رادگه‌هینن” كو پێدڤییه هه‌ر ئێك ژ وه‌زاره‌تێن ئه‌وقاف و دۆزگه‌ریا گشتی رێگربن ل هه‌ر بزاڤه‌كا ژ وی جۆری كو پێشتر ژی چه‌ندین مامۆستایێن ئاینی ئیهانا ئاینێ” دی كربوو و به‌ریا دو رۆژان ژی باس ل جه‌ژنا نه‌ورۆزێ كربوون و بزاڤ كرینه دژاتییا ئێكرێزی و پێكڤه‌ژیان و ئاشتییا جڤاكی تێكبده‌ن.
ده‌سته‌یا سه‌ربه‌خۆ یا مافێن مرۆڤی ل هه‌رێما كوردستان
