دو چه‌كدارێن داعشێ ل هه‌له‌بجه‌ هاتنه‌ گرتن

په‌یڤدارێ فه‌رمانده‌یا گشتی یا هێزێن چه‌كدارێن ئێراقێ راگه‌هاند: ل‌ هژماره‌كا پارێزگه‌هان وان هه‌شت چه‌كدارێن داعشێ ده‌ستگیركرینه‌،‌ كو ژ وان‌ چه‌كداران ل‌ پارێزگه‌ها هه‌له‌بجه‌ بووینه‌.

لیوا یه‌حیا ره‌سول گۆت ژى: ل ‌سه‌ر راسپارده‌یا فه‌رماندێ گشتی یێ هێزێن چه‌كدار، ده‌زگه‌هێ دژه‌ تیرۆرێ یێ به‌رده‌وامه بۆ ده‌ستگیركرنا پاشماوێن چه‌كدارێن داعشێ.

ئه‌و ژى گۆتییه‌، پشتى پێدانا زانیاریێن هه‌والگیری ژ لایێ ده‌زگه‌هێن هه‌والگرییا دژى تیرۆرێ، فه‌وجه‌كا سلێمانیێ شیایینه‌ وان دو كه‌سان ل‌ پارێزگه‌ها هه‌له‌بجه‌ ده‌ستگیر بكه‌ن، هه‌روه‌سا دوو ئه‌ندامێن دیتر یێن داعشێ ل‌ مه‌خمور و ئیك ژى ل شه‌رگات هاتییه‌ ده‌ستگیر كرن.