وه‌زیرێ ده‌رڤه‌ یێ قه‌ته‌ر دێ سه‌ره‌دانا هه‌ولێرێ كه‌ت

وه‌زیرێ ده‌رڤه‌یێ قه‌ته‌رێ ئه‌ڤرۆ گه‌هشته‌ فرۆكه‌خانا ناڤده‌وله‌تى یا به‌غدا و ژ ئالیێ وه‌زیرێ ده‌رڤه‌یێ ئیراقێ ڤه‌ پێشوازی لێهاته‌ كرن.

فوئاد حسێن ل فرۆكه‌خانا ناڤده‌وله‌تى یا به‌غدا ئه‌ڤرۆ رۆژا چارشه‌مبى پێشوازی ل‌ محه‌مه‌د بن عه‌بدولره‌حمان ئالسانی، وه‌زیرێ ده‌رڤه‌ و جێگرێ سه‌رۆكوه‌زیرێن قه‌ته‌ر كر و د دیداره‌كێ دا به‌حس ل‌ په‌یوه‌ندیێن د ناڤبه‌را هه‌ردو وه‌لاتان و گوهۆرینێن ل ده‌ڤه‌رێ كرن.

ل گۆره‌ى ئاگاهیێن خانى نیوز وه‌زیرێ ده‌رڤه‌یێ قه‌ته‌رێ دی سه‌ره‌دانا هه‌ولێرێ ژى كه‌ت و د گه‌ل به‌رپرسێن حكومه‌تا هه‌رێما كوردستانێ كۆم بیت و پرسێن گرێداى ده‌ڤه‌رێ گۆتوبیژ كه‌ت.

وه‌زیرێ ده‌رڤه‌یێ قه‌ته‌ر بریاره‌ دگه‌ل به‌رهه‌م سالح، سه‌رۆككۆمارێ ئیراقێ و مسته‌فا كازمی، سه‌رۆكوه‌زیران و هه‌ژماره‌‌كا به‌رپرسێن دى یێن بالا یێن حكومه‌تا ئیراقێ كۆم بیت.
وه‌زیرێ ده‌رڤه‌یێ قه‌ته‌ر رۆژا 15ی كانوونا دویێ ل سالا 2020 سه‌ره‌دانا ئیراقێ كر و تایبه‌ت ب‌ په‌یوه‌ندیێن دناڤبه‌را هه‌ردو وه‌لات و بارودۆخێن ناڤچێ و دگه‌ل به‌رپرسێن بالا یێن ئیراقێ كۆمبوو.