ل گوندێ باقوسپێ 29 چێل و گۆلکێن خەلکێ گوندێ باقوسپێ ژئەگەرێ نەخوشییەکێ مراربوون.
شەعبان سەعیەدین ئێک ژ وان کەسانە کو چێلێن وی ژی مراربووینە بۆ خانی نیوز گۆت: بۆ ماوێ 15 رۆژانە ئەڤ ئێشە ل ناڤ تەرش و کەوالێن گوندی بەلاڤ بوویە و تا نوکە 27 گۆلک و 2 چێل مرینە و رۆژ بۆ رۆژێ ژی زێدەتر مراردبن و داخاز دکەن چارەسەرییەک بۆ بهێنە دیتن .
د.محەمەد سەیفەدین نوژدارە ل فیتێرنەرییا ئاکرێ بۆ خانی نیوز گۆت: ئەڤ نەخۆشییا کو ل ڤی گوندی بەلاڤ بووی دبێژنێ نەخۆشیا تەپەکی و بەهرا پتر ژی گۆلکان دگریت ژبەرکو بەرگرییا وان لاوازترە ژ یا چێلان و دبیتە ئەگەرێ مراربوونا وان.
گوندێ باقوسپێ سەر ب ناحیا گردەسێن ڤەیە ل قەزا ئاکرێ دکەڤیتە رۆژئاڤایێ باژێرێ ئاکرێ ل دەرتەنگا گەلیێ ئیسماڤا.
خانی نیوز، ئه‌حمه‌د شووشی
