د. ئه‌فراسیاب بۆ خه‌لكی: ناڤێ خوه‌ بۆ وه‌رگرتنا ڤاكسینی تۆماربكه‌ن

رێڤه‌به‌رێ گشتیێ ساخله‌مییا دهۆكێ داخوازێ هه‌موو خه‌لكێ پارێزگه‌ها دهۆكێ خوه‌ د سیسته‌مێ ئه‌لكترۆنی دا تۆماربكه‌ن ژ بۆی ژ وه‌رگرتنا ڤاكسینێ دژی كۆرۆنایێ بێ به‌هر نه‌بن

دەمژمێر 2:30 یێ سپێدەهیا ئەڤرۆ شه‌مبی 26-3-2021، برێ 11500 قورچێن ڤاكسینێ دژی كۆرۆنایێ وه‌كو به‌هرا دهۆكێ گه‌هشتنه‌ کۆگەهێن سەرەکی یێن ساخلەمییا دهۆكێ.
د.ئەفراسیاب موسا کو  سەرپەڕشتیا هاتنا ڤاکسینێ دژی کۆرنایێ دکر، دیارکر، 11500 قورچێن ڤاکسینێ AstraZeneca گەهشتنە پارێزگەها دهۆکێ و ساخلەمییا دهۆکێ هەموو ئامادەکاری کرینە کو ڤاکسین قۆناغ قۆناغ بهێنە دانان و گۆت: ل قۆناغا ئێکێ هژمارەکا نۆشدار و کارمەندێن ساخلەمیێ هاتنە ڤاکسیندان و سوباهی ژی دێ گەرەکا دیتر ڤاکسینان وەرگرن و پاش هێزێن ئێمناهیێ و کەسێن دانعەمر دێ وەرگرن کو نوکە ب رێکا سیستەمەکێ ئەلکترونی دهێنە تومارکرن.
رێڤەبەرێ گشتیێ ساخلەمییا پارێزگەها دهۆکێ خواست هەموو وه‌لاتی خوە د سیستەمێ ئەلکترونی دا تۆماربکەن داکو ژڤاکسینان بێ بەهر نەبن.