هه‌ر 3 پرێن گەلییێ زنتا دێ بنە جۆت ساید

ھەر 3 پرێن گەلییێ زنتا سالانە ژ لایێ رێڤەبەرییا سەخبێرییا رێک و پران ل ئاکرێ دهێنە سەخبێرکرن، ڤان رۆژێن بوری ھاتنوچوونەکا زۆر ل سەر ھەبوو و زیان گەھشتییە پلێتەکێ پرا ئێکێ و بریاره‌ ب زووترین دەم ئەو زیان بھێتە چارە سەرکرن.
ئەنداریار محه‌مه‌د سه‌عید رێڤەبەرێ رێک و پران ل ئاکرێ بۆ خانی نیوز گۆت: رەزامەندی یا دەستپێکی ل سەر جۆت سایدکرنا وان پران یا ھاتییە وەرگرتن و ھەردەمێ کۆژمێ پێدڤی بۆ هاته‌ مه‌زاختن؛ ئەو پرۆژە دێ چیتە د وارێ جێ بەجێکرنێ دا.
گەلیێ زنتا جهەکێ گەشتیاری یە ل قەزا ئاکرێ، سالانە هژمارەکا زۆرا گەشتیاران قەستا ڤی جهی دکەن ب تایبەت گه‌شتیارێن ناڤەراست و باشورێ ئیراقێ، ب جۆتساید کرنا ڤان پرێن ئاسنی دێ قەرەبالغ کێم بیت و هاتنوچوون دێ ب ساناهیتر بیت.

خانی نیوز، ئەحمەد شوشی