د.عەلی تەتەر، پارێزگارێ دهۆکێ راگەهاند؛ ل دووڤ هەلسەنگاندنێن هاتینە کرن بۆ رەوشا ساخلەمیێ ل پارێزگەها وان ئەڤ كۆمبوونه هاتییه سازكرن و چەندین بڕیار دەرکرینە، ژ وان بریارا ژی کو پێدڤیه هه‌موو كه‌س ماسکا بكاربینن، ب تایبه‌ت د ناڤا مارکێت و مۆلان دا، بۆ چوونا مزگەفتێ ژی دڤێت شەملک دگەل دا بیت و ل جهێن قەلەبالغ پێدڤیه ماسکی بکەنێ بەرۆڤاژی ڤێ چەندێ دێ خودانێ جهی هێتە سزادان.
پارێزگارێ دهۆکێ دیار ژی كر، پێدڤییه هۆلێن شەهیانان لدووڤ رێنمایێن خۆپارێزیێ کاربکەن و دڤەکری بن و نابیت گەلەک کەس بهێنە داخوازکرن بۆ هولێن شەهیانان و گۆت ژی داوات و سەما کرن قەدەغەیە.
ناڤبری گۆت ژی، هەموو رێڤەبەری یێن حکومی دڤێت پێگیریێ ب رێنمایان بکەن و هەر رێڤەبەرییەکا پێگیرنەبیت دێ رێڤەبەرێ وی جهی هێتە سزادان، و داخواز ژ حزب و لایەنێن سیاسی کر بۆ هەر کومبوون و چالاکیەکێ پێگیریێ ب رێنمایان بکەن.
