ئیسرائیل و بەحره‌یین دێ رێكکەفتنه‌كا مێژوویی ئیمزا کەن

ئیسرائیل و بەحره‌یین دێ رێککەفتنه‌كا مێژوویى ئیمزا کەن و وەزیره‌كێ ئیسرائیلى ژى وێ رێککەفتنێ ب رێككه‌فتنه‌كا مێژوویی ب ناڤ دكه‌ت.

مالپه‌رێ (ئیسرائیل 24) به‌لاڤه‌ كرییه‌، کۆمپانیا (مەکۆرۆت) یا حکومی یا ئیسرائیلی رێککەفتنه‌ك د وارێ زانیاری و تەکنۆلۆژیایێ و گه‌شه‌پێدانا ژێده‌رێن ئاڤى، ل گه‌ل حكومه‌تا بەحره‌ینێ ئیمزا كرییه‌.

ل دووڤ وێ رێککەفتنێ دێ، کۆمپانیا ئیسرائیلی د وارێ راوێژکاری و پلاندانان و سەرپەرشتییا پاقژكرنا ئاڤا دەریایێ و ئاڤا سویر دا دێ هاریکارییا بەحرێنێ كه‌ت. 

یوفال شتاینتس، وەزیرێ وزێ یێ ئیسرائیلێ ئه‌و رێککەفتنه‌ ب  ”رێککەفتنه‌كا مێژوویی“ ب ناڤكرییه‌، چونکى ئێكه‌م رێککەفتنا ئیسرائیلێ یه‌ ل گه‌ل وه‌لاته‌كێ ئەرەبی د وارێ ئاڤێ دا.