شادی نەوزاد: ژ دەستەسەرکرنا هەڤڕەگەزخوازان دلگرانم

شەڤا ئێکی نیسانێ ل سلێمانیێ ئۆپەراسیۆنەک بۆ دەستگیرکرنا هەڤرەگەزخوازان دەستپێکر، پاشان ئاسایشا سلێمانیێ راگەهاند، ئارمانج ژ وێ ئۆپەراسیۆنێ نەهێلانا دیاردا لەشفرۆشیێ بوو، و ل سەر سکالایا خەلکێ ئەوان ئەو ئۆپراسیۆن دەستپێکرییە. ئەندامەکا لژنە کاروبارێن کۆمەڵایەتی و داکۆکیکرن ژ مافێ مرۆڤان ل پەرلەمانی کوردستان گۆت: ئەو ئاگه‌هداری وێ ڕوودانێ نە و و کار ل سەر دکەن.

شادی نەوزاد تایبەت بۆ خانی نیوز دیارژی کر، لژنا وان هندەک دانووستان کرینە و دووڤچوونێ بکەن کا چاوا ئەڤ هەڤرەگەزخوازانە هاتینە گرتن، ئەو سه‌ره‌ده‌رییا بەرامبەر هەڤڕەگەزخوازن هاتییە کرن ل سلێمانێی دا دژی مافێن گشتی و مافێن سەرەتایێن مرۆڤییە.

شادیێ گۆت ژی، ئەو گرۆپێ پەلکە زێرینە وەک هەر مرۆڤەکی ئاسایی مافی ئاساییێ وانە ب شیوەیەکی ئازادانە حەز و ئارەزوویێن خوه‌ پڕبکەن، ئەگەر ئەو کارێ لەشفرۆشیێ ژی بکەن ئەو سه‌ره‌ده‌رییا ل گەل وان هاتییە کرن مامەڵەیەکە نەدروست بوو، دڤیا سه‌ره‌ده‌رییه‌كا دروست هاتبا کرن، چونکی ئەو مافێ وانە، و دڤیابا ب شیوەیەکی جیاوازتر و مودێرنانەتر بیت.

سەبارەی ب یاسایەکی تایبەت ب هەڤرەگەزخوازن ل پەرلەمانێ کوردستانێ، شادی نەوزاد گۆت: هیڤیخوازم پەرلەمان بشێت دەست بۆ کارەکی وەسا ببەت، مخابن ئەوا ڕێگڕ جڤاک و ئایینە.

هەر ئەڤرۆ کۆنسلخانەیا گشتیا ئەمریکا ل هەولێر د توویتەکی دا نڤیسیە، ئەو ب نیگەرانیڤە چاڤدێرییا ڕوودانێن سلێمانیێ دکەن کو وەسا دیارە چەند کۆمەڵەیێن هەڤرەگەزخوازان دەستەسەرکرینە.

هەڤدەم ل ساڵا 2017ێ ئاڵایێ ڕەنگا و ڕەنگێ هەڤرەگەزخوازان ل گەل ئاڵایێ ئەمریکا ل کۆنسلخانا ئەمریکا ل هەولێرێ هاتە بلندکرن.