د. عه‌بدوللا حسێن خه‌له‌ف به‌رپرسێ وه‌رگرتنا نموونێن پشكنینا كۆرۆنایێ ل دهۆكێ بۆ خانی نیوز دیاركر: نۆكه ره‌وشا دهۆكێ باش نینه، ژبه‌ر زێده‌بوونا هژمارا تووشبوویێن كۆرۆنایێ و هه‌كه وه‌لاتی پتر هه‌ڤكار و پێگیر نه‌بن ره‌نگه جهێ نه‌خۆشان د ناڤ نه‌خۆشخانه‌یێن كۆرۆنایێ دا نه‌مینت، چونكو رێژا تووشبوونی به‌ره‌ڤ زێده‌بوونێ یه.
گۆت ژی: رۆژانه د ناڤ سه‌نته‌رێ دهۆكێ دا پتر ژ هزار و 200 پشكنینێن كۆرۆنایێ دهێنه كرن ژ بلێ قه‌زا و ناحیێن سه‌ر دهۆكێ ڤه و رۆژانه هه‌تا 300 تووشبوویێن كۆرۆنایێ دهێنه تۆماركرن.
به‌رپرسێ وه‌رگرتنا نموونه‌یێن پشكنینا كۆرۆنایێ ل ساخله‌مییا پارێزگه‌ها دهۆكێ راگه‌هاند كو: بۆ زووتر ده‌ستنیشانكرنا نه‌خۆشیا كۆرۆنایێ ل ده‌ڤ وه‌لاتیان كار یێ دهێته كرن ل چه‌ندین جهێن دهۆكێ ده‌ست ب پشكنینانا كۆرۆنایێ بۆ وه‌لاتییان بهێته كرن بۆ وێ چه‌ندی كه‌سێن تووشبووی زوو بهێنه ده‌ستنیشانكرن داكو زێده‌تر نه‌خۆشی د ناڤ خه‌لكێ دا به‌لاڤ نه‌بیت.
خانی نیوز، سه‌عد عاسف
