سه‌رۆكێ حكومه‌تا هه‌رێما كوردستانێ په‌یامه‌كا سه‌ره‌خۆشیێ ئاراسته‌ی سه‌رۆك بارزانی و سه‌ركردایه‌تی و ئه‌ندام و لایه‌نگرێن پارتی و مالباتا ره‌مزی شه‌عبان ئه‌ندامێ جڤاتا سه‌ركردایه‌تییا پارتی كر.
مه‌سرور بارزانی د په‌یاما خوه یا هه‌ڤخه‌مییێ دا راگه‌هاند: وه‌غه‌را دووماهییا كاك ره‌مزی شه‌عبان ئه‌ندامێ جڤاتا سه‌ركردایه‌تیێ و به‌رپرسێ مه‌كته‌با رێڤه‌برنێ و دارایی یا پارتییا دیموكراتا كوردستانێ ئه‌و ژ دل خه‌مگین كریه.
گۆت ژی: كاك ره‌مزی كه‌سایه‌تییه‌كێ تێكۆشه‌ر و نشتیمانپه‌روه‌ر بوو، د قۆناغێن جودایێن شۆره‌ش و ئه‌رك و به‌رپرسیاریێن ناڤا پارتی دا نموونه‌یا راستگۆیی و نشتیمانپه‌وه‌ریێ بوو، مالباتا وی ژی رۆله‌كێ به‌رچاڤ د شۆره‌شێن كوردستانێ و بزاڤا رزگاریخوازا گه‌لێ كوردستانێ دا هه‌بوو.
سه‌رۆكێ حكومه‌تێ ل دووماهییا په‌یاما خوه دا گۆتییه، ئه‌و هه‌ڤخه‌می و سه‌ره‌خۆشیێن خوه ئاراسته‌ی سه‌رۆك بارزانی و سه‌ركردایه‌تی و ئه‌ندام و لایه‌نگرێن پارتی و مالباتا تێكۆشه‌ری دكه‌ت، خودایێ مه‌زن گیانێ وی ب به‌هشتێ شاد بكه‌ت و ئارامیێ ب هه‌موویان ب به‌خشیت.
