نووچه‌یێ وه‌غه‌را دووماهیێ یا پێشمەرگە و تێکۆشەر و سیاسەتكارێ ماندوونەناس و ئەندامێ جڤاتا سەرکردایەتییا پارتیا دیموكراتا كوردستانێ خودێ ژێ رازى ڕەمزی شەعبان خەمبار و دڵتەنگ كرین. سەرەخۆشیێ ل بنه‌مالا هه‌وه یێن بەڕێز و ل جەنابی سەرۆکى و ل خوه و مەکتەبا سیاسی و جڤاتا سەرکردایەتی و سەرجەم کادير و هەڤاڵان و جەماوەرێ پارتییا دیموکراتا كوردستانێ دكەم و هه‌ڤپشكێ خەما هەموویانم.
كاك ڕەمزی شەعبان ژ وان پێشمەرگە و تێکۆشەرێن سەرڕاست و نیشتمانپەروەر بوو، كو بێ دابڕان و ماندووبوون، هەموو ژیێ خوه بۆ دۆزا ڕه‌واییا گەلێ خوه و ئارمانجێن وێ ته‌رخان کربوو.
ب ڤى ره‌نگى ئه‌مانه‌ت و دلسۆزییا ئه‌ركێن خوه بجهئینان و قه‌ت كێمخه‌مى و دوودلى و ساربوون ژێ نه دهاته دیتن.
نه‌ڤیێن ئه‌وى تێكۆشه‌رێ پێشەنگێ پارتی و بزووتنا ڕزگاریخوازا كوردستانێ بوو، کو ل ڕۆژان و قۆناغێن سەختێن شۆڕشێ و به‌ره‌ڤانیكرنێ دا، ڕێكا خەباتا خوه بۆ نەڤیێن داهاتى ڕونكرییه کرییه. ژدەستدانا وى، زیانێکا مه‌زن بۆ پارتی و بۆ هەموو تێکۆشەران بوو، بۆ من ژى ژ دەستچوونا برایەکی مه‌زن و مامۆستایەکێ ب ئەزموون بوو.
ناڤ و ڕۆڵ و خەباتا خودێ ژێ رازى ڕه‌مزى شه‌عبان بۆ هەمیشە ب زیندوويى مینیت. خودایێ مه‌زن گيانێ وى شاد بکه‌ت و سەبرێ و ئارامیێ ب ده‌ته کەسوکار و بنەماڵ و هەڤاڵاێن وى.
