پارێزگارێ دهۆکێ د سەرەدانەکا مەیدانی دا بۆ چەند جهێن جودا ل پارێزگەها دهۆکێ کر و ژ نێزێك ڤە ئاگەداری گلە و گازندە و داخوازیێن خەلکى بوو، و راگه‌هاند، نابیت بەرپرس بی و هەردەم ل پشت مێزێ بی.
د.عەلی تەتەر د داخویانییەکا تایبەت دا بۆ خانی نیوز گۆت: ئه‌و دخوازن ژنێزیک ڤە رەوشا خەلکى ببینن و بزانن داخوازیین وان چنە؟ هه‌كه ئەو ل دەواما پاریزگەهێ بیت دبیت ئەو رۆژێ دەهـ کەسان ببینم! بەلێ هه‌كه ئەز ل ناڤ خەلکى بم دێ هەتا ١٠٠ کەسان دێ بینم.
پارێزگارێ دهۆکێ چەند رۆژە بتنێ سەرەدانا باژار و باژارۆکێن سەر ب پارێزگەها دهۆکێ دکەت و ژ نێزیک ئاگه‌هداری رەوشا خەلکى دبیت و گوهـ ل داخوازی و گلە و گازندێن وان دبیت. پارێزگارێ دهۆکێ د سەرەدانا خوه دا تایبەت بۆ ناحیا باعەدرێ یا سەر ب قەزا شێخان ڤە گۆت: ئەو د هەوڵ و بزاڤێن وبەردەوام دانە ئەو ئاریشێن خەلکێ ڤێ دەڤەرێ چارەسەر بکەن ژبه‌ركو ئەڤ کێشەیە کێشەیا هەمان جهێن دیترە ژی.
دیار ژی کر، ئه‌و دخوازن دەرفەتێن زێدەتر ب گەنجان بهێنە دان، ژبه‌ركو سنۆرێ ڤێ دەڤەرێ بەرفرەهــ بووییە و ئەوان داخواز ژ کۆمپانییان کرییە دڤێت دەرفەتێن زێدەتر ب گەنجان بهێنە دان. هەر سەبارەت رێکا دناڤبەرا هەولێر و دهۆکێ دا گۆت: ئەوان پێ باشە ئەڤ رێکە ببیتە دو ساید کرن و داکو بوویەرێن زێدەتر ل ڤێ دەڤەرێ روونەدەن.
