هه‌رێم و به‌غدا پشتى په‌سه‌ندكرنا بودجه‌ى دێ كۆم بن

حکومەتا ھەرێما کوردستانێ پشتى په‌سه‌ندكرنا بود‌جه‌یێ ئیراقێ دێ دانوستاندنێ دگه‌ل حکومەتا ئیراقێ ل دۆر ده‌ڤه‌رێن کوردستانى یێن ده‌رڤه‌ى ئیدارا ھەرێمێ كه‌ت.

عبدولحه‌کیم خەسرەو، سەرۆکێ فەرمانگەها ھەماھەنگی و دووڤچوونا هەرێمێ راگەهاند، ل ده‌مه‌كێ نێزیك حکومەتا ھەرێما کوردستانێ دێ دانوستاندنێ دگه‌ل حكومه‌تا ئیراقێ بۆ ئاساییكرنا ره‌وشا ده‌ڤه‌رێن كوردستانى یێن ده‌رڤه‌یى ئیدارها هه‌رێمێ كه‌ت، ژبه‌ركو پشتى روودانێن 16 ئۆكتۆبه‌رێ ره‌وشا ئێمناهى و سیاسى یا وان ده‌ڤه‌ران تێكچوویه‌، سه‌رۆكێ حكومه‌تا هه‌رێما كوردستانێ ژى لژنه‌ك بۆ گۆتوبێژكرنا ره‌وشا ده‌ڤه‌رێ د گه‌ل حكومه‌تا فیدرال پێكئینایه‌ .

وەزارەتا پێشمەرگەى یا حکومەتا ھەرێما کوردستانێ ل سەر هێلن دگه‌ل وەزارەتا بەرگرییا ئیراقێ بۆ ھەماھەنگیا ئێمناهى.
بریارە ده‌ستپێكا حه‌فتیا بهێت شاندێ ئێمناهی یێ ئیراقێ جاره‌كا دى سەره‌دانا ھەرێما کوردستانێ بكه‌ت بۆ بەردەوامیدان ب دانوستاندنان، حکومەتا ھەرێما کوردستانێ ژى دێ دانوستاندنێ دگه‌ل بەرپرسێن ئیراقێ كه‌ت ل دۆر ئەو دەستدرێژیێن كرینه‌ سه‌ر ده‌ڤه‌رێن كوردستانى، چه‌ند لژنێن ئێمناهی و سیاسی پێكئیناینه‌ و دوپات ل هندێ دكه‌ن كو تاکە چارەسەرى بۆ ده‌ڤه‌رێ بجهئینانا ماددێ 140ێ دەستوورێ ئیراقێ یه‌.