ته‌رمێ ژن و مێره‌ك ل سنۆرێ ئامێدیێ هاته‌ دیتن

سەفەر سپینداری وەلاتیێ گۆندێ سپیندارێ ب خانی نیوز ڕاگەهاند، ئەڤرۆ ل گۆندێ سپیندارێ کازم خورشید و خێزانا خوه‌ بوشرا سەدیق ل دەما کارکرنێ د ناڤ چەمێ خوەدا کو دبێژنە وی جهی سپنە هاتنە کوشتن.

گۆت ژی، ل سەر لاشەیێ وان شوونوارێن بۆردومانێ نینە لێ ئەو گۆمانا وێ چەندێ دبەن کو ب چەکێ لێزەری یێن فرۆكه‌یێن توركیا هاتبنە شەهیدکرن.

ناڤبری گۆتژی، ئەو ب گۆمانن دناڤبەرا چەکێ لێزەری و بریسیێ دا، لێ د پشکنینێن پزیشکی دا دێ ئەو چەندە هێتە پشت راستکرن.

ل دووڤ زانیاریێن خانی نیوز، تەرمێن وان هاتینەرەوانەکرن بۆ دهوکێ.