رێڤه‌به‌رێ پۆلیسێن گه‌رمیان د راگه‌هاندنه‌كێ دا ئاماژێ ب وێ چه‌ندێ دده‌ت، ل كه‌لار بابه‌كی ب خه‌له‌تى ڤه ب ترۆمبێلا خوه؛ خوه ل زارۆكێ خوه دا، پشتى گه‌هاندنا زارۆكى بۆ نه‌خۆشخانێ، گیانێ خوه ژ ده‌ست ددا.
ئه‌ڤرۆ ئێكشه‌مبى 11-4-2021 رێڤه‌به‌رێ پۆلیسێن گه‌رمیان، د په‌یجێ خوه یێ فه‌رمى دا ل تۆرا جڤاكییا فه‌یسبۆكێ به‌لاڤكریه، سپێده‌هییا ئه‌ڤرۆ ل تاخا شه‌هیدان ل باژێرێ كه‌لار، ته‌رمێ زارۆكه‌كێ سێ سالی ئینایه پشكا هه‌وارهاتنا شه‌هید هه‌ژار ب روودانا ترۆمبێلێ گیانێ خوه ژ ده‌ست دابوو.
ئه‌و ژى دیار كر، ب گۆتنا بابێ زارۆكى، ناڤێ زارۆكى لاهور ئارى فه‌یزولا یه ته‌مه‌نێ وى سێ ساله، سپێدهییا ئه‌ڤرۆ ب ترۆمبێلا خوه ژ جورێ (جێپ لاریدۆ) ژ ل ده‌ف مالا خوه ب خه‌له‌تى ڤه ل زارۆكێ خوه دایه و گیانێ خوه ژ ده‌ست دایه.
پۆلیسێن گه‌رمیان باسێ وێ چه‌ندێ دكه‌ن، ته‌رمێ زارۆكى ره‌وانه‌ى نوژدارییا داد یا كه‌لار هاتییه كرن.
