رێكخستنا ساخله‌مییا جیهانی ساخله‌میا جیهانى راگه‌هاند؛ حاله‌تێن تووشبوون و گیان ژده‌ستدایێن ڤایروسێ كۆرۆنایێ، ل جیهانێ بلندبووینه، پشكه‌كا ژوان ژی هزردكه‌ن، وه‌رگرتنا ڤاكسینی رێگره ل به‌لاڤبوونا كۆرۆنا.
مارگرێت هاریس، په‌یڤدارێ رێكخستنا ساخله‌مییا جیهانى WHO، راگه‌هاند؛ بلندبونا هه‌ژمارلا تووشبوو و گیان ژده‌ستدایێن ڤایرۆسى ڤه‌دگه‌ریت بۆ زێده‌بوونا جۆرێن ڤایروسى، بجهئینانا رێنمایێن ساخله‌میا گشتى و ده‌ستپێكرنا ژیانا ئاسایى كو خه‌لك پشتى ده‌مه‌كێ زۆر ژ قه‌ده‌غا هاتنوچوونێ تێكه‌ل بوون.
ئاماژه ب هندێ ژى كر، خه‌لك هزر دكه‌ن ڤاكسین دێ ڤه‌گوهاستنا ڤایروسى راوه‌ستینیت، لێ د راستیدا وه‌سانینه، ڤاكسین بۆ كه‌فتنا وان نه‌خوشایه یێن ب گرانى تووشى ڤى ڤایروسى دبن و دا كو مرن ب ڤایرۆسی كێم بیت.
ل دووڤ ئامارێن رێكخستنا ساخله‌مییا جیهانى، تا نها نێزیكى 670ملیۆن كه‌سان ل جیهانێ ڤاكسین وه‌رگرتیه، هه‌رچه‌نده پتریا وان ل وه‌لاتێن ده‌وله‌مه‌ندن ژبه‌رهندێ رێكخستنا ساخله‌مییێ هۆشدارییا كێمییا ڤاكسینی دایه.
