جۆتیار عادل: چ بنگەھێن ھەوالگێریا ئسرائیلێ ل ھەرێمێ نینن

پەیڤدارێ حکومەتا ھەرێما کوردستانێ دەنگۆیێ ھێرشکرنا سەر دەزگایەکێ ھەوالگێریا ئسرائیلێ ل ھەریما کوردستانێ رەتکر و راگەھاند، نووچەیێ ھێرشکرنا سەر بنگەھەکێ ھەوالگێریا ئسرائیلێ ل ھەرێما کوردستانێ دوورە ژ راستیێ، ھەروەکو پێشتر ژی چەندین جاران ئەو تۆمەت بۆ ھەرێمێ ھاتینە ئاراستەکرن.
د. جۆتیار عادل د بەیانەکێ دا راگەھاند، ھەژمارەکا میدیایێن دەڤەرێ وەسا بەلاڤکرییە کو بنگەھەکێ ھەوالگێریا ئسرائیلێ ل ھەرێما کوردستانێ بوویە ئارمانجا ھێرشەکێ و چەند کارمەندین وی بنگەھی ھاتینە کوشتن و بریندار بووینە.
د. جۆتیار عادل گۆت: ئەو نووچە و تۆمەتە بێ بنەمانە و ئارمانجا وان پیلانگێریە ھمبەری ھەرێما کوردستانێ.
دوھی میدیایا ئیرانێ ژ زارێ ژێدەرەکی ئەمنی راگەھاندبوو، گرۆپەکێ نەنیاس ناڤەندەکا ھەوالگێریا ئسرائیلێ ل ھەرێما کوردستانێ کرییە ئارمانج.