هێمن هەورامی: چاڤه‌رێى پێگیریا به‌غدا ینه‌ بۆ قانوونا بودجه‌ى

جێگرێ سه‌رۆكێ په‌رله‌مانێ كوردستانێ راگه‌هاند، هه‌رێما كوردستانێ چاڤه‌رێى پێگیرییا حكومه‌تا ئیراقێ یه‌ ژبۆ بجهئینانا قانوونا بودجه‌ى.

هێمن هه‌ورامى ،جێگرێ سه‌رۆكێ په‌رله‌مانێ كوردستانێ ئه‌ڤرۆ راگه‌هاند، روونشتنا ئه‌ڤرۆ یا په‌رله‌مانى تایبه‌ته‌ ب سالڤه‌گه‌را كاره‌ساتا ئه‌نفالێ و تێدا ب ئاماده‌بوونا لایه‌نێن حكوومه‌تێ دێ به‌حس ل پرۆژێن گه‌رمیان هێته‌كرن.

هێمن هەورامی ل دۆر گه‌هشتنا راپورتا چاكسازیێ یا حكومه‌تێ راگه‌هاند: راپۆرتا دویێ ڤان دو سێ رۆژان دێ گه‌هیته‌ په‌رله‌مانێ كوردستانێ و دێ راپورته‌كا جودا بیت ژ راپۆرتێن دى، ژبه‌ركو زێده‌تر دێ تیشكێ ئێخیته‌ سه‌ر داتایان ل دۆر بجهئینانا گاڤێن چاكسازیێ.

گۆت ژى، چاڤه‌رێ دكه‌ن بزانن حكوومه‌تا ئیراقێ د ده‌مێ  20 رۆژێن بهێن دا دێ پێگیربیت یان نه‌، ب تایبه‌ت ژبه‌ر مووچێ سی هه‌یڤێن بوورى.

هه‌ورامى دوپات كر، چ لایه‌نێن سیاسى پێ خۆش نینه‌ لێبرینا مووچه‌ى هه‌بیت، به‌لێ چاڤه‌رێى حكومه‌تا ئیراقێ نه‌ بۆ پێگیریبوون ب قانوونا بودجه‌ى و به‌غدا دێ چه‌ند پێگیربیت ب وى پارێ ل دویڤ قانوونێ دڤێت بهنێریت.