ل رێکەڤتی 19-10-2020 تەرمێ کەسەکێ ل سنورێ گوندێ پیرەکەپرا ل بن چیایێ پیرس ھاتە دیتن و ل دووڤدا ھێزێن ئێمناھییێ ئەو تەرمە ڤەگۆھاستن بۆ نۆشدارییا داد و بەردەوام پشکنین ل سەر د ھاتنە کرن بۆ دیارکرنا ناسناما وی، ئەڤرۆ ناسناما وی ھاتییە دیارکرن کو وەلاتییەکێ گوندێ چالییێ یە ل ناحیا دینارتێ.
کرمانج چالی، ئێک ژ کەسێن نزیکێن وی بۆ خانی نیوز گۆت، پشتی شەش ھەیڤان دووڤچۆن و لێپرسین ئەڤڕۆ ئەنجامێ پشکنینا دی ئێن ئەی ھات کو ئەو جەنازەیێ ھاڤێتی و کوشتی و شێواندی یێ ل نزیک گوندێ بیرەکەپران، یێ نەڤییێ برایێ وی سەرکەڤت حەسەن چالی یە.
ناڤبری ڕاگەھاند ژی، پشتی کو ھاتینە ئاگەھدارکرن تەرمێ وی ڤەگۆھاستینە و ڤەشارتینە، گۆتژی شەش ھەیڤ و ھەشت ڕۆژن ئەو د ئاڵۆزی و نەخۆشیێ دا ژ بەر کو ل رێکەڤتی 12-10-2020 سەرکەڤت بەرزە ببوو و وان چ دەنگ و باس ژێ نە دزانین.
خانی نیوز، سەعد عاسف
