عه‌لى باباجان: بەرهەڤین‌ دگه‌ل هه‌ده‌پێ هه‌ڤپه‌یمانییێ پێکبینین

سه‌رۆكێ پارتییا دیمۆكراسى و پێشڤه‌چوون ده‌وا ل توركیا راگه‌هاند، بۆ هه‌لبژارتنێن بهێن ئه‌و به‌رهه‌ڤن‌ دگه‌ل پارتییا دیمۆكراتیك یا گه‌لان هه‌ده‌پێ گۆتۆبێژان بۆ پێكئینانا هه‌ڤپه‌یمانییێ بكه‌ن.

عه‌لى باباجان، سه‌رۆكێ پارتییا ده‌وا ل توركیا بۆ تێله‌ڤزیۆنا خه‌به‌ر تورك راگه‌هاند، ئه‌و ژ چ تشتان ناترسن، ژبه‌رڤێ یه‌كێ ژبلى پارتییا ده‌ستهه‌لاتدار و دو پارتیێن دى یێن توركیا ئه‌و به‌رهه‌ڤن دگه‌ل هه‌موو پارتیێن دى یێن توركیا گۆتۆبێژێن هه‌ڤپه‌یمانییێ بكه‌ن و ئێك ژ وان ژى هه‌ده‌په‌ یه‌.

باباجان گۆت ژى: ژبلى هه‌ڤپه‌یمانییا كۆمارى یا دناڤبه‌را ئاكه‌پێ و مه‌هه‌پێ دا دروست بووى، ئه‌و دێ دگه‌ل هه‌موو پارتیێن دى رێخوشكه‌ر بن بۆ دروستكرنا هه‌ڤپه‌یمانییێ، وه‌كو پارتییا ده‌وا ئه‌و ئاماده‌نه‌ دگه‌ل هه‌ده‌پێ ژى هه‌ڤپه‌یمانییێ بكه‌ن و هه‌ر ژ نها ئاماده‌كارییان ژبۆ هه‌لبژارتنێن بهێن دكه‌ن.

باباجان پشته‌ڤانییا پارتیا خوه‌ بۆ سیسته‌مێ په‌رله‌مانى راگه‌هاند و ئاشكه‌را كر، ئه‌وان پاكێجه‌كا گوهۆرینا 74 مادێن ده‌ستوورى یێن توركیا ئاماده‌كرییه‌ و ل پاشه‌رۆژه‌كا نێزیك دێ دگه‌ل پارتییێن دى یێن توركیا گۆتۆبێژان ده‌رباره‌ى وێ یه‌كێ كه‌ن.