مه‌سروور بارزانى دگه‌ل كونسل و نوونه‌رێن ئێكه‌تییا ئه‌ورۆپى كۆم بوو

سه‌رۆكێ حكومه‌تا هه‌رێما كوردستانێ ئه‌ڤرۆ دگه‌ل كونسل و نوونه‌رێن وه‌لاتێن ئێكه‌تییا ئه‌ورۆپا ل هه‌رێما كوردستانێ كۆم بوو.

مه‌سروور بارزانى د گه‌ل كونسل و نوونه‌رێن وه‌لاتێن ئه‌ورۆپا ل هه‌رێما كوردستانێ ره‌وشا هه‌رێمێ دگه‌ل حكومه‌تا فیدرال و پێشڤه‌برنا په‌یوه‌ندیێن دناڤبه‌را هه‌رێمێ و وه‌لاتێن ئێكه‌تییا ئه‌ورۆپا دا گۆتوبێژ كرن.

مه‌سروور بارزانى، پێگیرییا هه‌رێما كوردستانێ بۆ بجهئینانا قانوونا بودجه‌یا فیدرالى دوپات كر و داخواز كر د به‌رامبه‌ر دا حكومه‌تا فیدرال پێگیرییا خوه‌ همبه‌رى هه‌رێما كوردستانێ بجهـ بینیت ژبۆ هنارتنا شایسته‌یێن دارایى كو ده‌مێ ده‌هـ مه‌هانه‌ حكومه‌تا فیدرال چ پشك بۆ هه‌رێما كوردستانێ نه‌ هنارتینه‌.

سه‌رۆكێ حكومه‌تا هه‌رێمێ خواست كو په‌سه‌ندكرنا پرۆژه‌قانوونا بودجه‌ى ببیته‌ ده‌ستپێكه‌كا باش بۆ چاره‌كرنا كێشه‌یێن هه‌لاویستی ب شێوه‌یه‌كێ بنه‌ره‌تى و ل سه‌ر بنه‌مایێ ده‌ستوورى، ب تایبه‌تى بجهئینانا مادێ 140 و ئاساییكرنا ره‌وشا ده‌ڤه‌رێن كوردستانی یێن ده‌رڤه‌ی ئیدارا هه‌رێمێ، كو دێ كاریگه‌ریه‌كا ئه‌رێنى ل سه‌ر سه‌قامگیری و ئاساییش و ئارامیا ئیراقێ هه‌بیت.