ئه‌مریكا دێ كوشتنا ئه‌رمه‌نان ب جینۆساید ناڤكه‌ت

وەزارەتا دەرڤەیا ئەمریکا راگەھاندنەک دەربارەیی جینوسایدا ئەرمەنییان بەلاڤکر

وەزارەتا دەرڤەیا ئەمریکا بەلاڤکرییە، کو پێشبینی دکەن سوبەھی سەرۆک بایدن جینوسایدا ئەرمەنییان ب فەرمی بدەتە نیاسین.

جالینا پۆرتەر، پەیڤدارا وەزارەتا دەرڤەیا ئەمریکا د پرێسکونفرانسەکی دا راگەھاند، پێشبینی دھێت کرن سوبه‌هی جینوسایدا ئەرمەنییان ب فەرمی بھێتە راگەھاندن.

سوبەھی سالیادا کوشتنا ب کۆم یا ئەرمەنییانه‌ کو ل سالا 1915 روودا بوو، ئەرمەنییان، عوسمانی، ب وێ کۆمکوژیێ تاوانبار دکەن، و تورکیا ژی رەتدکەت.

ل سالا 1915، ئێک ملیۆن ئەرمەن ل سەر دەستێ عوسمانییان ھاتنە کوشتن، تورکیا ئەڤێ چەندێ ب جینۆساید نادانیت، ب به‌هانه‌یا هندێ كو د چوار چووڤێ بەرگرێدا بوویە ژ ئاسایشا نیشتیمانی.

ھەتاکو نوکە 30 وەلاتان کوشتنا ئێک ملیۆن ئەرمەنان ب جینوساید ناساندییە.

ئەڤە د دەمەکیدایە، کو ئەڤ شەڤە جۆ بایدن، سەرۆکێ ئەمریکا، پەیوەندی ب رەجەب تەیب ئەردوگانی، سەرۆکێ تورکیا کر، و بەرەڤ پێشڤەبرنا پەیوەندییان ھاتنە گۆتوبێژکرن.