سەرۆکێ حکومەتا ھەرێما کوردستانێ پێشوازی ل سەرۆککۆمارێ ئیراقێ کر و دوپاتی ل چارەکرنا کێشەیێن ھەلاویستی د ناڤبەرا ھەولێری و بەغدا دا کر. مەسروور بارزانی ئەڤرۆ پێشوازی ل د. بەرھەم سالح کر و داوی گۆرانکاری و پێشھاتێن ئیراقێ و ھەرێما کوردستانێ گۆتوبیژ کرن، دوپاتی ژی ل چارەکرنا کێشەیێن ھەلاویستی د ناڤبەرا ھەرێما کوردستانێ و ئیراقێ دا کر. مەسروور بارزانی و بەرھەم سالح پەسەندکرنا بودجەیا ئیراقێ ب گاڤەکا ئەرێنی ب ناڤ کر کو پێدڤییە ب شێوەیەکێ دادپەروەرانە خزمەتا ھەموو پێکھاتە و دەڤەرێن جودایێن ئیراقێ بکەت و شایستەیێن دارایی یێن ھەرێما کودستانێ ژی ب زووترین دەم بھێنە ھنارتن. سەرۆکێ حکومەتا ھەرێما کوردستانێ و سەرۆککۆمارێ ئیراقێ بەحس ل ھەلبژارتنێن بھێن یێن ئیراقێ کر و ئاشکرا کر، پێدڤییە ھەلبژارتن ب پاکی بھێنە کرن و ماف و خواستێن ھەموو پێکھاتێن ئیراقێ دابین بکەن.
