زافر عانی: هەرێما کوردستانێ خودان ئەزموونه‌كا دەولەمەندە

سه‌ركرده‌كێ سوننى‌ پشتى كۆمبوونا وان ل گه‌ل به‌رپرسێن بلند یێن هه‌رێما كوردستانێ راگەهاند: ئه‌زموونا هه‌رێما كوردستانێ، ئه‌زموونه‌كا ده‌وله‌مه‌نده‌ و پارێزگه‌ها ئه‌نبار ژى ژ روویێ ئاڤه‌دانیێ ڤه‌، دێ‌ هه‌ڤشێوێ كوردستانێ چیرۆكا سه‌ركه‌فتنه‌كا مه‌زن‌ پێشكێش كه‌ت.

زافر عانی سه‌ركرده‌ ل هه‌ڤپه‌یمانییا ته‌قه‌دوم گوتی: ‌ سه‌ره‌دانا مه‌ و كۆمبوونا مه‌ ل گه‌ل سه‌ركردایه‌تییا هه‌رێما كوردستانێ، هژماره‌كا ئارمانجان هه‌بوو، ژ وان ژى‌ پرسا هه‌لبژارتنان و پێشهات و گوهۆرینێن ڤێ ده‌ڤه‌رێ و هه‌روه‌سا گوتۆبیژكرنا په‌یوه‌ندیێن دناڤبه‌را حزبا ته‌قه‌دوم و پارتی.