فەرماندارێ هێزا پشتەڤانی یا ئێک یا وەزارەتا پێشەرگەی سەرەدانا دەڤەرێن سنۆری ل کانێ ماسێ کر و ژ نێزیک ڤە دووڤچوونا رەوشا دەڤەرێ کر.
ل دۆر وان شەر و پەڤچوونێن د ناڤبەرا گەریلایێن پەکەکێ و سوپیێ تورکیا دا ل دەڤەرێ، ژێدەرکێ لەشکەری تایبەت بۆ خانی نیوز راگەهاند، سەرەدانا شێخ سیهاد بارزانی، فەرماندارێ هێزا پشتەڤانیا ئێک پتر بۆ وێ یه‌كێ بوویە کو خالێن پێشمەرگەی یێن نوو ل دەڤەرێن سنۆری بهێنە زێدەکرن و سنۆر بهێتە پاراستن و کۆنترۆلکرن و ئارامى بۆ گوندێن سنۆری بهێتە ڤەگەراندن.
هەمان ژێدەر دیار ژى كر، ب هەبوونا خالێن نوو یێن پێشمەرگەی دێ بنە سەدەم لڤینێن پەکەکێ ل دەڤەرێ کێم ببن و پێشڤەچوونا لەشکەرێ تورکیا بۆ ناڤ ئاخا هەرێمێ ژی هەتا راددەیەکێ بهێتە راوەستاندن.
ژ ئالییه‌كێ دى ڤه په‌یامنێرێ خانى نیوز ل ده‌ڤه‌را كانى ماسێ ئاشكرا كر، پاه‌وانێن سنۆرى یێن ئیراقێ چار خالێن سه‌ربازى ل هنداڤى گوندێن مایێ و بادۆکێ و بناڤیێ و بریفکا داناینه
خانی نیوز، نزارمەجید
