نێچیرڤان بارزانى، سەرۆکێ هەرێما کوردستانێ دگه‌ل شانده‌كێ بلندێ ئه‌مریكا كومبوو
ل دووڤ راگه‌هاندنا سهرۆكاتییا هه‌رێما كوردستانێ، نێچیرڤان بارزانى، دگه‌ل شانده‌كێ بلندێ ئه‌مریكا كۆمبوو کو پێکدهات ژ برێت مەکگۆرک، رێکخه‌رێ کاروبارێن رۆژهه‌ڵاتا ناڤه‌ڕاست و باکوورێ ئەفریقیا ل کۆچکا سپی، دێریك شۆلێى، مه‌زنه شیره‌تكارێن وه‌زاره‌تا دەرڤه‌یا ئەمریكا و جۆی هوود، هاریکارێ وەزیرێ ده‌رڤه بۆ کاروبارێن رۆژهەڵاتا نزیک ب وه‌كاله‌ت و ده‌ينا سترۆل، جێگرێ هاریکارێ وەزیرێ بەرگریێ بۆ كاروبارێن رۆژهەڵاتا ناڤەڕاست و چەندین کەساتیێن دی، د کۆمبونێ دا ئه‌مریكا پشته‌ڤانییا خوه بۆ هه‌رێما كوردستانێ دووپات کر و ب نێچیرڤان بارزانى راگه‌هاندییه كو هه‌ر ژ سه‌رۆك بایدنى و هه‌تا به‌رپرسێن بلندێن ئه‌مریكا، گۆتییه كو هه‌وه دۆستێن زۆر ل واشنتۆنێ هه‌نه.
هەر ل دووڤ راگه‌هاندنا سهرۆكاتییا هه‌رێمێ، شاندێ بلندێ ئه‌مریكا سلاڤ ورێزێن جۆ بایدن و وه‌زیرێن ده‌رڤه و به‌رگرییا ئه‌مریكا گه‌هاندینه سه‌رۆك نێچیرڤان بارزانى، و دووپاتكرییه كو هه‌ر ژ سه‌رۆك بایدن و هه‌تا به‌رپرسێن بلندێن دی یێن ئه‌مریكا گۆتییە كو هه‌وه دوستێن گه‌له‌ك ل واشنتنێ هه‌نه، و ئیداره‌یا نوو یا ئه‌مریكا پشتەڤانی و هاریکارییا کوردان و هه‌ڤپه‌یمانان دێ یا به‌رده‌وام بیت
ژ ئالییێ خوە ڤە نێچیرڤان بارزانى سوپاسىیا هاریکاری و پشتەڤانییا ئه‌مریكا بۆ ئیراقێ کر و دیارکر، سه‌ره‌دانا شاندى بۆ هنارتنا په‌یامه‌كا روونا ئه‌مریكایه و رامانا وێ به‌رده‌وامى و پشتگیریێ بۆ ئیراقێ و هه‌رێما كوردستانێ و موركا وان ل سه‌ر كارێ هه‌ڤپشك و پێكڤه بۆ نه‌هێلانا یه‌كجارییا داعشێ و به‌رهنگاربوونا تیرۆرێ و بنه‌جهكرنا سه‌قامگیریێ ل قه‌له‌م دا.
