مخابن پشكه‌ك ژ کەنالێن مەیێن کوردی بووینە نمایشکارێن لەشێ کچێ، دەمێ ئەڤ کەنالە ھندەک ژ ئافرەتان مێهڤان دکەن، مخابن رۆژانە ھندەک پرسیارێن گه‌له‌ك بێ رامان ژێ دکەن و ل نك وان گەلەک نۆرمالە، بۆ نموونە دێ بێژن راستە فلان کەسی ھندە پارە دانە تە بەس دا تو دگەل بی؟، یان کەنگی تو و ھەڤژینێ خو ژێک جودا بوون و دێ کەنگی شوی کەیەڤە؟! ھندەک پرسیارێن دی ھند ئاستێ وان یێ نزمە مرۆڤ شەرم دکەت بنڤێسیت.
ژبلی ھندێ کو گەلەک جارا ھندەک لڤینان دکەن دویرن ژ جڤاكێ مە، ب راستی ژی ئەڤە کارەساتە، ئەز نزانم وەزارتا ره‌وشنبیری ل کیڤەیە و رۆلێ وێ چیە؟
پێدڤییه ئەڤ ئافرەتە بھێتە جودا کرن ژ وان ئافرەتێن کوردستانێ کو ژ روحەکا پاقژ و دلسۆزانە کار کر و کار دکەن بۆ وەلات و نشتیمانی خوه و ب سەدان سالان ب خوبەخشانە مل ب ملێن جڤاكى کار بۆ ئاڤاکرنا وەلاتی خوه دکەن.
ئەڤ کارێن دھێنە کرن ل بن ناڤێن جودا جودانە، لێ مەرەم بدەستڤەئینانا ناڤ و دەنگی و پارانە، لێ ب دیتنا من رێکەکا دروست نینە و جۆرەکێ سڤکاتیێ یە.
ب راستی ژی ئەڤا دھێتە دیتن گەلەک دویرە ژ رەسەناتیا ژنا کورد و ب چ رەنگا دگەل جڤاكێ مە یێ کوردی ناگونجیت، ئافرەتا کورد گه‌له‌ك قوربانی داینە و مل ب ملێ زەلامێ د ھەمی وارێن ژیانێ دا کار کریە ب جوداهییا ئارمانجا وان خزمەتکرن بوو ل سەر رێیا راست و دروست ژ بۆ وەلاتێ خوه.
