هیومان رایتس وۆچ: ئه‌وێن چالاكڤانان تیرۆر دكه‌ن نوونه‌ر ل‌ په‌رله‌مانى هەنه‌

رێكخستنا ناڤده‌وله‌تى یا مافێن مرۆڤی هیومان رایتس وۆچ راگه‌هاند، ئه‌و گرۆپێن‌ چه‌كدارى یێن بزاڤا تیرۆركرنا چالاكڤانان ل ئیراقێ دكه‌ن، نوونه‌ر ل په‌رله‌مانى هه‌نه‌ و خودان حزبێن سیاسی نه‌.

هیومان رایتس وۆچ د راپۆرته‌كێ دا راگه‌هاند، گرۆپه‌كێ‌ چه‌كدارێن ئیراقێ هه‌تا نها  ده‌ست د تیرۆركرنا چالاكڤانێن خوه‌نیشادانان هه‌نه‌‌ و بزاڤكرینه‌ 81 چالا‌كڤانێن دى تیرۆر بكه‌ن و 34 ژ وان بجهئیناینه‌ و دگه‌ل وێ یه‌كێ ژى د هه‌لبژارتنێن بهێن دا دبیت ئه‌ندامێن وى گرۆپى بشێن پۆستێن دیار ژ حكومه‌تێ وه‌ربگرن.

ل دووڤ راپۆرتا رێكخستنێ، بزاڤێن چالاكڤانێن تیرۆركرى ل‌ ده‌سپێكا سه‌رهه‌لدان و خوه‌نیشادانێن ئۆكتۆبه‌را سالا  2019 ده‌ستپێكریه‌، چارێك بزاڤ ل سه‌رده‌مێ حكومه‌تا مسته‌فا كازمی بوون‌، هه‌رچه‌نده‌ سه‌رۆكوه‌زیران لژنه‌ یا ڤه‌كۆلینان پێكئینایه‌، به‌لێ هه‌تا نها  لژنێ چ ئه‌نجام به‌لاڤنه‌كرینه‌.

د راپۆرتا رێكخراوێ دا هاتیه‌، گرۆپێن چه‌كدارێن تیرۆرستى د‌ كریارێن تیرۆرى دا  به‌رده‌وامن و بێ ترسه‌ك ژ سزادانێ هه‌بیت.