ناڤهندا راگههاندن و چاپهمهنى یا هێزێن پاراستنا گهل ههپهگێ، بالێ سهربازى یێ پارتییا كاركهرێن كوردستانێ پهكهكێ ناسناما وان گهریلایان بهلاڤكر یێن ل 11ى مهها گولانێ ل دهڤهرا مهتینى ل ههرێما كوردستانێ ل دهمێ شهر و پێكدادانان ل دژى سوپایێ توركیا ژیانا خوه ژدهست دابوو.
ل رۆژا 23ێ نیسانا 2021ێ، سوپایێ توركیا ئۆپهراسیۆنهكا نوو ل دهڤهرێن زاپ و مهتین و ئاڤاشین ل ناڤا سنۆرێن ههرێما كوردستانێ دژى گهریلایێن پهكهكێ دهستپێكر بوو.
ل گۆرهى ئامارێن ههپهگێ، تا نها د وێ ئۆپهراسیۆنێ دا 205 سهربازێن توركیا هاتینه كوشتن و 18 گهریلایان ژیانا خوه ژ دهست دایه، چارهنڤیسێ 6 گهریلایان ژى نه دیاره، لێ ل گۆرهى ئامارێن فهرمى یێن توركیا، تا نها 116 گهریلایێن پهكهكێ ژیانا خوه ژدهست دایه و 9 سهرباێن توركیا ژى هاتینه كۆشتن.
