د. عه‌لى ته‌ته‌ر: پێدڤییه‌ باجا درامه‌تى بهێته‌ رێكخستن

پارێزگارێ دهۆكێ ل دۆر رێكخستنا باجا ده‌رامه‌تى ئه‌ڤرۆ دگه‌ل رێڤه‌به‌رێن په‌یوه‌ندیدار كۆم بوو.

د.عەلی تەتەر، پارێزگارێ دهۆکێ ئه‌ڤرۆ رۆژا دوشه‌مبى ل دۆر رێكخستنا باجا ده‌رامه‌تى دگەل رێڤەبەریێن پەیوەندیدار کۆم بوو و دیاركر، پێدڤییە بزاڤا ئابووری و پیشەسازی و گەشتۆگوزار و بازرگانی بهێتە خۆرتکرن و ئاسانکاری بو کێمکرنا رۆتینێ و برێڤەبرنا مامەلەیان ل دووڤ قانوونێ و رێنمایێن بەرکارێن هەرێمێ بهێتەکرن و زێدەگاڤی بهێنە راکرن، ئەو جهێن داخوازا دەستیریا دکەن دەستیریی پێ بهێنەدان ل دووڤ قانوونێ.

د.عەلی تەتەرى دیاركر: نابیت گیرۆکرنا ب رێڤەبرنا مامەلەیان ببیتە ئەگەر کو خودانکار و وەبەرهێنەرێن سەرمایێ خوه‌ ل دەرڤە بکاربینن.

گۆت ژى: لادان ژ قانوونێ مافێ کەسێ نینە لێ دچارچووڤێ قانوونێ دا پێدڤییە ئاسانکاری بهێنەکرن و ب کێمترین رۆتین خزمەتا خەلکی بهێتەکرن و رێکخستنا باجا دەرامەتی ل سنۆرێ پارێزگەها دهۆکێ بهێتەکرن.