کونسل و تیمەکا نۆشدارێن ئەرمەنستانێ سەرەدانا دهۆکێ کر

وەلاتێ ئه‌رمه‌نستانێ ب رێیا تیمەکا نۆشدارێن تایبەتمەند دێ چارەسەریا نەخوشیێن تۆرا چاڤا بێ بەرانبەر بۆ نەخۆشێن پێدڤی ل پاڕێزگەها دهۆکێ کەت.

 کونسلێ گشتییێ ئه‌رمه‌نستانێ ل هەرێما کوردستانێ دگەل تیمەکێ نۆشدارێن تایبەتمەند یێن چاڤان سەرەدانا نەخۆشخانا چاڤان ل دهۆکێ کر و ژلایێ د. عەلی تەتەر، پارێزگارێ دهۆکێ و د. ئەفراسیاب مووسا، رێڤەبەرێ ساخلەمیا پارێزگەها دهۆکێ هاتنە پێشوازیکرن. 

د کۆنگرەکێ رۆژنامەڤانی دا، ئارشاک مەنکویان، کونسلێ ئه‌رمه‌نستانێ ل هەرێما کوردستانێ، گۆت: حکومەتا ئه‌رمه‌نستانێ پەیوەندیێن خو دگەل هەرێما کوردستانێ بەرفرەهـ کرینە و گه‌شه‌كرینه‌ و گۆت: ئەڤ سەرەدانە ژبەر ڤایرۆسێ کۆرۆنایێ گیرۆبوو بۆ پاڕێزگەها دهۆكێ کو تیمەکێ نۆشدارێن تایبەتمەند یێن چاڤان دێ نەشتەرگەریان كه‌ن و هاریکاریا نەخۆش و نۆشدارێن پارێزگەها دهۆکێ کەن.

ئارشاک مەنکویان گۆت ژى: ئەڤە سه‌ره‌دانا ئێكێ نینه‌ و  یا دوماهییێ ژى نابیت بۆ پارێزگەها دهۆکێ، بۆ جارێن بهێن ژی دێ سەرەدانا پارێزگەها دهۆکێ کەن و هیڤیخوازن بشێن زێدەتر هاریکاریان بکەن.

ژلایێ خوەڤە پارێزگارێ دهۆکێ خوشحالیا خوە دەربری و سوپاسیا کونسلى و تیما نۆشدارێن ئەرمەنستانى كرکو سەرەدانا پارێزگەها دهۆکێ کری و گۆت: ئەڤ سەرەدانە دێ بیتە جهێ مفای بۆ نەخۆشان و هیڤیى خواستن ئەڤ سەرەدان و هاریکارییە بەردەوام بن.

 خانی نیوز، سەعد عاسف