ب سەرپەرشتییا مەسروور بارزانی سەرۆکوەزیرێن هەرێما کوردستانێ، جڤاتا وەزیرێن هەرێما کوردستانێ، کۆمبوونا خوه ئاسایی یا حەفتییانە ئەنجامدا .
د برگەیا ئیكێ یا کۆمبوونێدا گوتۆبێژ دەربارەی میکانیزما بجهئینانا ماددێ پێنجێ ژ قانوونا چاکسازیێ یا ژمارە ( 2 ) یا سالا 2020 یا تایبەت ب رێکخستنا دەرمالان هاته کرن، لبەر رووناهییا قانوونا بەرکاران، كو پێدڤییە خەرجکرنا دەرمالێن ئەوێن شایستە بن بهێنه پاراستن و دادپەروەری ھەبیت د خەرجکرنا دەرمالان و بهێنه جێگیر كرن بۆ ئەوێن شایستە ل دووڤ قانوونا بەرکاران.
برگا دووێ یا کارنامەیا کۆمبوونێ، یا تایبەت بوو ب به‌رچاڤكرنا داهاتێن ناڤخۆیی و رۆلێ وەزارەتێن تایبەتمەند و هەمەجۆر كرن و رێکخستنا داهاتی ناڤخۆیی یێ هەرێمێ و ئاستێ پابەندییا وەزارەتان.
پاشى جڤاتا وەزیران هەردوو رەشنڤیسێن پرۆژە قانوونا ( راستڤه‌كرنا قانوونا وەزارەتا دارایی و ئابووری ل هەرێما کوردستانێ) ب ئاراستەیا بجهئینانا رێڤەبەرییا گشتی ل وەزارەت دارایی و ئابووری بۆ ڕێکخستنا کەرتێ دلنیایی وچاڤدێریکرنا کۆمپانیێن کەرتێ تایبەت د وارێ چالاکیێن دلنیایی ل هەرێمێ و پەسەندکرنا پڕۆژە قانوونا ( بەرهەمئینان و ئینانا تۆڤى و نه‌مامان و تۆمارکرن و پەسەندکرن و پارێزگاریکرن ل تەرزێن چاندنێ )، کو ئارمانجا سەرەکی یا ڤێ پرۆژه قانوونێ یه، رێکخستن وهاندانا کەرتێ تایبەتە بۆ بەرهەمئینانا تۆڤى و نه‌مامان و ئینانا تۆڤى ل ژێر سەرپەرشتییا وەزارەتا چاندنێ و ژێده‌رێن ئاڤێ.
