ئیخلاس دلێمی: هه‌رێمێ زانیارى ده‌رباره‌ی هه‌موو داهاتان راده‌ستى حكومه‌تا فیدرالى كرینه‌

ئەنداما لژنەیا داراییا پەرلەمانێ ئیراقێ راگەهاند،كو حکومەتا هەرێما کوردستانێ سەرجەم زانیاری ده‌ربارەی داهاتێ نەفتێ و خاڵێن سنوری و ژمارەییا فەرمانبه‌ران رادەستی وەزارەتا نەفتێ و دارایی و دیوانا چاڤدێرییا داراییا فیدرالى کرینه‌.

ئیخلاس دلێمی دبێژیت، هه‌كه‌ بڕگەیا قانوونێن بودجەیێ یێن پێدڤى ب هەرێمێ ڤه‌ ب سەرپەرشتیی و هەماهەنگیی دگەڵ وەزارەتا نەفتا ئیراقێ نەبیت ناهێنه‌ جێبەجێکرن.

دیار كر ژى، كو ئەو زانیاریێن هەرێمێ رادەستی حکومەتا فیدڕاڵی کرین پەیوەندى ب نەفت و ژمارەییا فەرمانبەرێن هەرێمێ هەیە، به‌لێ هه‌تا نوكه‌ حکومەتا فیدڕاڵی چ میکانیزمه‌ک بۆ چاوانییا رادەستکرنا پشكا بودجەییا هەرێمێ دەستنیشان نەکرییه‌، دبێژیت، ل هه‌یڤا نیسانا ساڵا بورى فەرمانبەرێن هەرێمێ موچه‌یێن وان ژ بەغدا بۆ نه‌هاتینه‌ رەوانەكرن.