سەرکردێن حەشدا شەعبى پشتى ده‌سته‌سه‌ركرنا قاسم موسلح، رووبرووى ئێك دبن و ترسا ھەلوەشاندنێ كه‌فتیه دناڤبه‌را وان دا.
رۆژنامەیا شەرقلولئەوسەت به‌لاڤكرییه، كۆمبوونه‌ك ل مالا فالح فەیاز، سەرۆکێ دەستەیا حەشدا شەعبى هاتیه‌كرن، ل سه‌ر دەسته‌سه‌ركرنا قاسم موسلح و ئاریشه كه‌ته دناڤبه‌را سەرکردێن حەشدێ دا، د كۆمبوونێ دا پشكه‌ك ژ سەرکردێن حەشدێ دیاركر، ده‌سته‌سه‌ركرنا قاسم مسلح بنپێكرنا سەروەرییا دەوله‌تا ئیراق و قانوونێ یه و دبیته ئه‌گه‌‌ره‌كێ خراب بۆ هه‌لوه‌شاندنا حه‌شدا شه‌عبى یا ل سالا 2014 هاتیه دامه‌زراندن.
ژێده‌رێن ئەمنی ل ئیراقێ دیاركر، قاسم موسلح ل ژێر ڤه‌كۆلینێن دەستهه‌لاتا دادوەری دایە، ناڤێن چەند کەسێن دى ئاشكه‌راكرینه ل ناڤ حەشدا شەعبی دا یێن ده‌ست دگه‌ل کوشتن و ره‌ڤاندنا چالاکڤانێن مەدەنی و خوه‌نیشانده‌ران هه‌ى.
