ب مەره‌ما پێشاندانا بەرهەمێن ناڤخۆیێن كوردستانێ و وه‌لاتێن بیانی و پشتگیریكرن ل بزنسا ناڤخۆیی، بۆ ئێكه‌مین جار ل هەولێرا پایتەخت پێشانگه‌ها و بازاركرنا دۆستایەتی دبلۆماسی هاته ڤه‌كرن.
ده‌ستپێكا هزركرنا ڤه‌كرنا پێشانگه‌هێ و بازاڕێ دۆستایەتییا دبلۆماسی ل هەولێرا پایتەخت، ژلایێ كۆنسولێ گشتی یێ كۆمارا چیك ل هەرێما كوردستانێ میخال سڤۆبۆدا دیاركر، كو ب هه‌ڤكارییا فەرمانگەها پەیوەندیێن دەرڤه‌یێن حكومەتا هەرێما كوردستانێ و ئاسانكاریكرنا دامەزراوێن پەیوەندیدارێن حكومەتا هەرێمێ، بۆ ئێكه‌مین جار ل سەر ئاستێ هەرێما كوردستانێ و ئیراقێ، بۆ ماوەی ئێك رۆژ ل باژارێ ئەكادیمیێ چیكێ ڤه‌كرییه، كو پێشوازییەكا گەرم ژلایێ پشكداران لێ هاته كرن.
نێزیكى (١٠) كۆنسولگەری و ئۆفیسێن دبلۆماسیێن وه‌لاتێن بیانی و (٢٧) خودانكارێن ناڤخۆیی ل سەرجەم پارێزگه‌هێن هەرێما كوردستانێ پشكدارى تییدا كرییه، كو ب ئامادەبوونا هژمارەیەكا بەرچاڤ ل كۆنسووڵێن گشتی و ستافێن كۆنسووڵگەرییان و بەرپرسێن ژمارەیەك ل دامەزراوێن ئیداری و حكومی و ئەكادیمی و كەسانێن خودانكار و بازرگان و ڕاگەیاندكارێن ناڤخۆیی و بیانی بازاڕێ دۆستایەتی دیپلۆماسی هاتیه ڤه‌كرن.
