رێڤەبەرییا گشتی یا حەج و عومرێ ئاگه‌هدارییه‌ك به‌لاڤكر

رێڤه‌به‌رییا گشتی یا حەج و عومرێ ئاگه‌هدارییه‌ك به‌لاڤكرییه‌ و تێدا هاتییه‌: وه‌لاتیێن هه‌رێما كوردستانێ ئاگه‌هدار دکەین، هه‌تا نوكه‌ چ رێكارێن فەرمی بۆ ئەنجامدانا فەریزەیا حەجێ ژ لایێ وه‌لاتێ سعوودی بۆ ئەڤساله‌ نه‌هاتینه‌ ده‌ركرن، لێ ئه‌م ل گه‌ل حوكمه‌تا ئیراقێ ل سه‌ر خه‌تین.

هه‌روه‌سا گۆتییه‌: هنده‌ك جاران ل ڤێرێ و وێراهه‌ و ب رێیا راگەهاندنێ و سۆشیال میدیایێ ریکلامێن هنده‌ك کۆمپانییان دهێنه‌ دیتن و پرۆپاگەندەیا (حەجا بازرگانی) دکەن و داخواز ژ وه‌لاتییان دهێته‌ كرن، ناڤێن خوه‌ تۆمار بكه‌ن، لێ ئه‌م دبێژین پرۆسەیا فەریزەیا حەجێ ب تنێ دێ ب رێیا رێڤه‌به‌رییا گشتی بیت، ھەروەسا ئاگه‌هدارییا وان کۆمپانیان دکەین، یێن كو  ئه‌ڤ كارێ نه‌ قانوونى كری‌، ب زووترین ده‌م وان پرۆپاگنده‌یان رابگرن، به‌رۆڤاژى دێ رێکارێن قانوونى و کارگێرى هه‌مبه‌رى وان‌ گرینه‌ بەر”.