هه‌ردوو وه‌زیرێن چاندنا هه‌رێمێ و به‌غدا ل گه‌ل مه‌سروور بارزانى كۆمبوون

وەزیرا چاندنێ و ژێده‌رێن ئاڤێ ل هەرێما کوردستانێ دگه‌ل وەزیرێ چاندنا ئیراقێ كۆمبوو، دیار كر: دێ کۆمەكا پرۆژەێن چاندنێ ل باژێرێ هەولێرێ هێنه‌ دانان، ل ده‌مێ سەره‌دانا وان بۆ سایلۆیا شەمامک بۆ وەرگرتنا گەنمێ جۆتیاران، بێگەرد تالەبانی، وەزیرا چاندنێ و ژێده‌رێن ئاڤێ ل هەرێما کوردستانێ د پرێسكۆنفرانسه‌كێدا  راگەهاند: “كو ئێك ژ وان ئاریشان د ده‌مێ بووریدا دناڤبه‌را مه‌ و وەزارەتا چاندنا ئیراقێ هەبوویه‌ و رێكخستنا رۆژنامەییا چاندنێ بوو، ب ئامادەبوونا  وەزیرێ چاندنا ئیراقێ ژ لایێ سەرۆکوەزیرێن هەرێما کوردستانێ به‌حسێ وى بابه‌تى كر.

بێگه‌ر تاله‌بانى گۆت ژى، كو ئه‌ڤه‌ جهێ خۆشحالیێیه‌ ئه‌ڤرۆ ده‌رگه‌هێن هنارتنا به‌رهه‌مێن چاندنێ بۆ ناڤه‌راست و باشوورێ ئیراقێ ده‌ستپێكرییه، وه‌زیرێ چاندنا ئیراقێ سۆزدایه‌ كو بابه‌تێ رۆژنامه‌ییا چاندنێ و دروستكرنا هه‌ڤپشك دناڤبه‌را هه‌ردوو لایه‌ناندا و لێكتێگه‌هشتنه‌كا باش هه‌بوویه‌، ل سه‌ر وه‌رگرتنا گه‌نمى كو خاله‌كا گرنگه‌، ئه‌ڤ ساله‌ زوو پاشكه‌فتییه‌، وان ژى ستافێ خوه‌ راسپاردییه كو ب زوو ترین ده‌م و د دوو رۆژێن بهێت دا ئه‌و بابه‌ته‌ دێ چاره‌سه‌ر بیت.‌‌ 

هه‌ر د وى پرێس كۆنفرانسى دا، محه‌مه‌د كه‌ریم خه‌فاجى، وه‌زیرێ چاندنا ئیراقێ راگه‌هاند كو پێكڤه‌ ل گه‌ل وه‌زیرا چاندنێ سه‌ره‌دانا مه‌سروور بارزانى كرییه‌، كو سه‌ره‌دانه‌كا زۆر سه‌ركه‌فتى بوو، گۆتوبێژ ل سه‌ر  زۆر بابه‌تێن گرنگ كرینه‌ ب تایبه‌ت به‌رهه‌مێن هه‌رێما كوردستانێ، بابه‌تێ قاچاخچیكرنێ، ئه‌و به‌رهه‌مێن ل توركیا و ئیرانێ و هنده‌ك وه‌لاتێن دیتر كو ب قاچاخ دهنێرن، كو ئه‌ڤه‌ ئێكه‌ ژ ئه‌گه‌رێن سه‌ره‌كی بۆ راوه‌ستانا رۆژنامه‌یا چاندنا ئیراقێ و نه‌پاراستنا به‌رهه‌مێن ناڤخوه‌.