بازرگانییا دناڤبه‌را هه‌رێمێ و توركیا دا نه‌گه‌هشتییه‌ ئاستێ به‌رى كۆرۆنایێ

سەرۆكێ ژوورا بازرگانی و پیشەسازییا دھۆكێ،بۆ خانى نیوز راگه‌هاندییه‌،كو بزاڤێن بازرگانى دناڤبه‌را هه‌رێمێ و توركیا دا زێده‌ بوویه‌، به‌لێ نه‌وه‌كى سه‌رده‌مێ به‌رى په‌ژیكا كۆرۆنایێ، و پارێزگه‌ها دهۆكێ ژى گه‌له‌كا مفاداره‌ ژ ڤێ بزاڤێ، ژبه‌ركو نه‌بوونا ئاریشان هاتن و چوونا بازرگانى دناڤبه‌را پارێزگه‌ها دهۆكێ و پارێزگه‌هێن دیێن ئیراقێ دا گه‌له‌ك زێده‌ بوویه‌.

 سەرۆكی ژوورا بازرگانیی ل دھۆكێ ئاماژه‌ دا، كو زۆربه‌ییا ئه‌وان كه‌له‌په‌لێن ژ وه‌لاتێ توركیا و ب رێكا ئیبراهیم خه‌لیل دگه‌هنه‌ هه‌رێما كوردستانێ، دهێنه‌ ڤه‌گۆهاستن بۆ پارێزگه‌هێن دیێن ئیراقێ.

ئه‌یاد حه‌سه‌ن، دووپاتكرییه‌ كو زێده‌بوونا بزاڤا بازرگانى دناڤبه‌را هه‌رێمێ و توركیا، كاریگه‌رى ل سه‌ر ده‌لیڤێن كارى هه‌بوون و كۆمپانێن بازرگانى یێن ل سنۆرێ پارێزگه‌ها دهۆكێ، شیاینه‌ مفایى ژ زێده‌بوونا بزاڤا بازرگانى وه‌ربگرن.

خانى نیوز، عه‌بدوللا عه‌لى